تعلیم القرآن (قسط:1) 

السلام علیکم ورحمۃ اللہ وبرکاتہ

مختصرا تمہید حاضر ہے۔ 

قرآن عظیم الشان اللہ رب العزت کا کلام، اللہ رب العزت کا پیغام انسانیت کے نام، قرآن دستور حیات ہے، منشور حیات ہے، ضابطہ حیات ہے بلکہ انسانیت کے لیے آبِ حیات ہے۔

حضور اکرم صلی اللہ علیہ وسلم نے قرآن کریم کی تلاوت، اس کے معانی کا علم حاصل کرنے، اس پر عمل کرنے اور اس کی تبلیغ کے جو فضائل بیان فرمائے اور امت کو جس طرح اس کی ترغیب دی اس کی صرف ایک مثال حاضر ہے، حضور اقدس صلی اللہ علیہ وسلم نے ارشاد فرمایا:

((أَيُّكُمْ يُحِبُّ أَنْ يَغْدُوَ كُلَّ يَوْمٍ إِلَى بُطْحَانَ، أَوْ إِلَى الْعَقِيقِ، فَيَأْتِيَ مِنْهُ بِنَاقَتَيْنِ كَوْمَاوَيْنِ فِي غَيْرِ إِثْمٍ، وَلَا قَطْعِ رَحِمٍ؟، فَقُلْنَا: يَا رَسُولَ اللهِ نُحِبُّ ذَلِكَ، قَالَ: أَفَلَا يَغْدُو أَحَدُكُمْ إِلَى الْمَسْجِدِ فَيَعْلَمُ، أَوْ يَقْرَأُ آيَتَيْنِ مِنْ كِتَابِ اللهِ عَزَّ وَجَلَّ، خَيْرٌ لَهُ مِنْ نَاقَتَيْنِ، وَثَلَاثٌ خَيْرٌ لَهُ مِنْ ثَلَاثٍ، وَأَرْبَعٌ خَيْرٌ لَهُ مِنْ أَرْبَعٍ، وَمِنْ أَعْدَادِهِنَّ مِنَ الْإِبِل)) [مسلم شریف، حدیث:803]

’’کیا تم میں سے کوئی یہ پسند کرتا ہے کہ وہ روزانہ صبح بطحان کی طرف یا عقیق کی طرف جائے اور وہ وہاں سے بغیر کسی گناہ اور بغیر کسی قطع رحمی کے دو بڑے بڑے کوہان والی اونٹنیاں لے آئے؟ ہم نے عرض کیا اے اللہ کے رسول ہم سب اس کو پسند کرتے ہیں تو آپ ﷺ نے فرمایا کیا تم میں سے کوئی صبح مسجد کی طرف نہیں جاتا ہے کہ وہ اللہ کی کتاب کی دو آیتیں خود سیکھے یا سکھائے یہ اس کے لئے دو اونٹنیوں سے بہتر ہے اور تین تین سے بہتر ہے اور چار چار سے بہتر ہے اس طرح آیتوں کی تعداد اونٹنیوں کی تعداد سے بہتر ہے۔‘‘

قرآن کے معانی ومطالب کا تو کہنا ہی کیا ہے، اس امت نے کتابِ الٰہی کے الفاظ، اس کے حروف، اس کی حرکات وسکنات اور اس کے حروف کو زبان سے ٹھیک ٹھیک ادا کرنے کی غرض سے ایسے ایسے علوم وفنون کی بنیاد ڈالی ہے کہ جن کی نظیر دنیا کے کسی مذہب اور زبان میں نہیں ملتی۔

بہر حال ہم یہاں قرآن کے معانی اور مطالب کو سمجھنے کی کوشش کرتے ہیں۔

قرآن کریم چونکہ سرورِ کائنات محمد مصطفیٰ صلی اللہ علیہ وسلم پر وحی کے ذریعہ نازل کیا گیا ہے، اس لیے سب سے پہلے وحی کے بارے میں چند باتیں جان لینی ضروری ہیں:

وحی کی ضرورت:

اللہ تعالیٰ نے انسان کو پیدا کرنے کے ساتھ ساتھ تین چیزیں ایسی پیدا کی ہیں جن کے ذریعے اسے علم حاصل ہوتا ہے۔

(1)… حواس خمسہ، دیکھنا، سننا، سونگھنا، چکھنا چھونا، (2)…عقل، (3)…وحی۔

ان کے ذریعے سے انسان کو کسی چیز کا علم حاصل ہوتا ہے، لیکن ان میں سے پہلے دو ذریعے ناقص ہیں، جبکہ وحی کامل ہے۔ کیونکہ بعض دفعہ انسان کو محسوس کچھ ہوتا ہے، لیکن وہ ہوتا کچھ اور ہے۔ مثلا: گاڑی چل رہی ہو تو لگتا ہے کہ درخت بھاگ رہے ہیں جبکہ گاڑی بھاگ رہی ہوتی ہے۔ اسی طرح عقل بھی دھوکہ کھا جاتی ہے۔ سائنس دانوں کے بہت سے نظریات ایسے ہیں جن کو بعد کے وقت نے غلط ثابت کردیا۔ وغیرہ

وحی کا علم حقیقی مستحکم اور قطعی ہوتا ہے اس میں کبھی تزلزل نہیں آسکتا۔  (جاری ہے…)

تبصرے

ایک تبصرہ شائع کریں

اس بلاگ سے مقبول پوسٹس

کاش ایسا ہوجائے۔ محمد عمر بن عبد العزیز   وہ نہیں جانتا تھا کہ وہاں کیسے جاتے ہیں، بس وہ وہاں جانا چاہتا تھا۔ وہ دیوانہ وار لوگوں سے پوچھتا رہتا تھا کہ لوگ وہاں کیسے جاتے ہیں؟ تولوگ مختلف جواب دے کر اسے ٹال دیتے تھے ایک مرتبہ اسے کسی نے بتا ہی دیا کہ یہاں سے ریل پر سوار ہوکر کراچی جاتے ہیں، وہاں سے جہاز پر سوار ہوکر جانا پڑتا ہے۔ وہ لاہور کا رہنے والا ایک گوالا تھا غریب گھرانے سے تعلق رکھتا تھا آمدنی اتنی تھی نہیں جس سے وہ یہ سفر کرسکتا لیکن اسے بس ایک ہی دھن لگی رہتی تھی اور ہر وقت اسی کے بارے میں سوچتا رہتا تھا۔ چنانچہ کسی نہ کسی طرح وہ کراچی پہنچ گیا اب یہاں سے آگے جانے کا مسئلہ تھا وہ پریشان تھا کہ آگے کیسے جاسکتا ہوں؟ اس نے دیکھا کہ بعض لوگ مخصوص لباس پہن کر جہاز میں سامان لاد رہے ہیں تو اس نے ان میں سے ایک کی منت کی کہ میں وہاں جانا چاہتا ہوں آپ مہربانی کریں اپنی جگہ مجھے کام کرنے دیں اور اپنی وردی مجھے دے دیں میں یہ وردی آپ کو واپس کردوں گا وہ بندہ مان گیا اور اپنا لباس اسے دے دیا اب وہ بھی دوسرے لوگوں کی طرح سامان اٹھا اٹھا کر جہاز میں لادنے لگااس نے کچھ سامان جہاز میں...
مزید پڑھیں
تصویر
الٰہی محبوب کل جہاں کو دل وجگر کا سلام پہنچے  دنیا میں بہت سارے لوگوں سے محبت کی گئی ان کو چاہا گیا، عشق کیا گیا، لیکن محدود۔ ایک جگہ سے محبت ملتی ہے تو دوسری جگہ نفرت کا سامنا بھی کرنا پڑتاہے مگر ایک ہستی جہان میں ایسی آئی ہے جسے لامحدود چاہا گیا ہے۔اللہ رب العزت نے انہیں محبوب کل جہاں بنایا ہے۔ یقیناً یہ وہی ہستی ہے جو لا محدود کمالات کی حامل ہے۔ جس سے اپنوں نے محبت کی تو بے گانے بھی اس سے خالی نظر نہیں آتے جانوروں نے محبت کی، پتھروں نے محبت کی، پہاڑوں نے محبت کی، درختوں نے محبت کی خشک لکڑی نے محبت کی، درندوں نے محبت کی، راہبوں نے محبت کی، دنیا داروں نے محبت کی، اولیاء نے کی انبیاء نے کی، حتیٰ کہ خود رب العُلیٰ نے محبت کی۔ کون ہے جو اس محبت سے خالی رہا ہو؟ اگر کافر مخالفت بھی کرتے تھے تو صرف اپنی انا کے پیش نظر ورنہ وہ بھی تسلیم کرتے تھے کہ محبت کے لائق ہیں تو یہی ہیں۔ کبھی تو وہ خود اعلان فرما رہے ہیں: ((أُحُدٌ جَبَلٌ يُحِبُّنَا وَنُحِبُّهُ)) [صحيح البخاري:بَابُ خَرْصِ التَّمْرِ] ’’احد پہاڑ ہم سے محبت کرتاہے اور ہم اس سے محبت کرتے ہیں۔‘‘ کبھی گوہ آپ سے محبت کا اظہار ان الفاظ...
مزید پڑھیں

تلاشِ منزل

تصویر
میں محبت کرنا چاہ رہا ہوں، مگر کر نہیں پا رہا۔ اور محبت بھی ان سے کرنا چاہتاہوں جو مجھ سے محبت بھی کرتے ہیں، آج سے نہیں بلکہ اس وقت سے میرے ساتھ محبت کر رہے ہیں جبکہ مجھے کوئی جانتا تک نہ تھا۔ اور اِس وقت بھی وہ مجھ سے محبت کر تے ہیں جب کوئی بھی م جھ سے محبت نہیں کرتا، بلکہ کرنا ہی نہیں چاہتا، حتی کہ وہ اس وقت بھی مجھ سے محبت کرتے ہیں جب خود میں بھی اپنے آپ سے محبت نہیں کرتا۔ میں پھر بھی چاہنے کے با وجود اس سے محبت نہ کر سکا، آخر کیوں…؟ …کیا اس لیے کہ ان سے محبت کرنے میں کوئی نقصان ہے؟ … یا اس لیے کہ وہ میرے ساتھ کسی اپنی غرض کی وجہ سے محبت کرتے ہیں؟ … یا اس لیے کہ وہ مجھ سے اتنے دور ہیں کہ مجھے دیکھ نہیں سکتے؟ … یا میری آواز کو سن نہیں سکتے؟ … یا اس لیے کہ ان سے محبت کرنا کوئی مشکل کام ہے؟ … یا اس لیے کہ ان میں غصہ زیادہ ہے؟ جس کی وجہ سے میں ان سے محبت نہیں کر پارہا…؟؟؟ ٭…نہیں ان میں سے کوئی بات بھی نہیں ہے، کیونکہ اس محبت میں نقصان کا تو تصور بھی نہیں کیا جاسکتا، اس میں فائدہ ہی فائدہ ہے، بلکہ ان سے محبت نہ کرنے میں نقصان ہے۔ ٭… اور وہ مجھ سے جو محبت کرتےہیں وہ بھی میرے ہی فائدے...
مزید پڑھیں